Xarici xəbərlər

İran rəsmisi Ukraynaya xəbərdarlıq etdi: Cavabsız qalmayacaq

İran parlamentinin xarici siyasət və milli təhlükəsizlik komissiyasının sədri İbrahim Əzizi Ukraynanın Xəzər dənizində İran gəmisinə endirdiyi iddia olunan zərbə ilə bağlı sərt bəyanat verib.

Crossmedia.az xəbər verir ki, İran KİV-i bu barədə məlumat yayıb.

Əzizi bildirib ki, İrana qarşı həyata keçirilən heç bir hücum cavabsız qalmır.

"İrana qarşı istənilən hücumun nəticələri olur və bu, bu gün də dəyişməyib. ABŞ və İsrail bunu yaxşı anlayır. Ola bilsin ki, Ukrayna da tezliklə İrana qarşı heç bir addımın cavabsız qalmadığını anlayacaq. Vəziyyəti düzgün qiymətləndirməyənlərin siyahısı getdikcə artır", – deyə o qeyd edib.

İranlı siyasətçi bu fikirləri Ukraynanın Xəzər dənizində İranın ticarət gəmisinə hücum etdiyi iddialarını şərh edərkən səsləndirib. Ukrayna tərəfi isə bu ittihamlarla bağlı hələlik rəsmi açıqlama verməyib.

🖨 Çap et

09:13 27.07.2026

Oxunuş sayı: 55