Rumıniya Ukraynaya kömür daşıyan ABŞ gəmisində partlayış baş verib
ABŞ-dən Ukraynaya kömür daşıyan "Christiana B" yük gəmisində Rumıniya sahilləri yaxınlığında qəza baş verib.
Crossmedia.az xəbər verir ki, Rumıniya Daxili İşlər Nazirliyinin Fövqəladə Hallar Departamenti bu barədə X sosial şəbəkəsində məlumat yayıb.
Məlumata görə, hadisə iyulun 24-nə keçən gecə Rumıniyanın Sfıntu-Georqe limanından 22 dəniz mili cənub-şərqdə qeydə alınıb. Liberiya bayrağı altında üzən Christiana B quru yük gəmisi ABŞ-dan Ukraynaya kömür daşıyırdı.
Hadisədən sonra gəmi heyəti yardım istəyib. Əraziyə Rumıniyanın iki xilasedici gəmisi və helikopter göndərilib. Lakin daha sonra gəminin kapitanı heyətin təxliyəsi ilə bağlı müraciətini geri götürərək bildirib ki, hadisə nəticəsində dənizçilər arasında xəsarət alan olmayıb.
Rumıniya KİV-lərinin məlumatına görə, hazırda "Christiana B" Rumıniyanın ərazi sularının yaxınlığında lövbər salıb və Rumıniya Dəniz Xilasetmə Əlaqələndirmə Mərkəzinin (MRCC) daimi nəzarəti altındadır.
İlkin ehtimallara əsasən, hadisəyə dəniz pilotsuz aparatının zərbəsi və ya dəniz minasının partlaması səbəb olub.
16:32 24.07.2026
Oxunuş sayı: 57
