Çernoqoriya Rusiya və Belarus vətəndaşları üçün viza rejimi tətbiq edə bilər
Çernoqoriya 2026-cı il oktyabrın 1-dən etibarən Rusiya və Belarus vətəndaşları üçün viza rejimi tətbiq etməyi nəzərdən keçirir.
Crossmedia.az xəbər verir ki, bu barədə ölkənin Dan nəşri məlumat yayıb.
Məlumata görə, Avropa İttifaqının viza siyasətinə uyğunlaşmaq məqsədilə Türkiyə, Çin və bir sıra digər ölkələrin vətəndaşları üçün də viza tələbinin tətbiqi planlaşdırılır. Bildirilir ki, viza müraciətlərinin qəbulu üçün VFS Global şirkətinin xidmətlərindən istifadə edilməsi nəzərdə tutulur.
Nəşrin yazdığına görə, Çernoqoriya hökuməti Avropa İttifaqına tam üzvlükdən əvvəl hazırlıq mərhələsi kimi viza qaydalarının qismən uyğunlaşdırılmasını təklif edib.
Həmçinin qeyd olunur ki, ölkə bu ilin dekabr ayınadək gələcəkdə Şengen zonasına üzvlük tələblərinə uyğun olaraq biometrik məlumatların toplanması sisteminin tətbiqinə başlamalıdır.
17:58 16.07.2026
Oxunuş sayı: 46
