Xarici xəbərlər

Ukrayna HHM "İsgəndər-M" raketlərinin heç birini vura bilməyib

Ukrayna Prezidenti Volodimir Zelenski iyulun 11-nə keçən gecə Rusiyanın həyata keçirdiyi hücum zamanı buraxılan "İsgəndər-M" ballistik raketlərinin zərərsizləşdirilməsinin mümkün olmadığını bildirib.

Crossmedia.az xəbər verir ki, Ukrayna Prezidentinin mətbuat xidməti bu barədə məlumat yayıb.

Zelenskinin sözlərinə görə, Rusiya gecə ərzində Ukraynaya 120-dən çox pilotsuz uçuş aparatı və 12 raketlə hücum edib. Onlardan yarısı ballistik raketlər olub."Əksər hədəfləri müdafiəçilərimiz məhv etməyə müvəffəq oldular, lakin ballistik raketləri vurmaq mümkün olmadı", – deyə Ukrayna Prezidenti bildirib.

Volodimir Zelenski əlavə edib ki, Qərb tərəfdaşlarının Ukrayna üçün hava hücumundan müdafiə sistemlərinin yaradılması və gücləndirilməsi ilə bağlı layihələrdə daha fəal iştirak edəcəyinə ümid edir.

🖨 Çap et

14:13 11.07.2026

Oxunuş sayı: 57