Paşinyandan sonra Alen Simonyan da məzuniyyətə çıxdı
Ermənistan parlamentinin sədri Alen Simonyan iyulun 13-dən avqustun 2-dək məzuniyyətə çıxıb.
Crossmedia.az xəbər verir ki, bu barədə "Sputnik Armenia" məlumat yayıb.
Məlumata görə, Simonyan məzuniyyətdə olduğu müddətdə səlahiyyətlərini parlament sədrinin müavini Ruben Rubinyan icra edəcək. Bununla bağlı müvafiq sərəncam imzalanıb.
Nəşrin iddiasına əsasən, hakim komandanın Alen Simonyanın parlament sədri vəzifəsinə yenidən namizədliyini dəstəkləməməsindən sonra onun gələcək vəzifəsi ilə bağlı hələlik qərar verilməyib. Ermənistanın Baş naziri Nikol Paşinyan isə bu məsələ ilə bağlı indiyədək açıqlama verməyib.
12:19 11.07.2026
Oxunuş sayı: 48
