KİV: Putin müharibənin daha da genişlənməsinə hazırlaşır
Rusiya Prezidenti Vladimir Putinin yaxın aylarda müharibəni daha da genişləndirmək niyyətində olduğu bildirilir.
Crossmedia.az xəbər verir ki, bu barədə "Reuters" agentliyi Kremlə yaxın mənbələrə istinadən məlumat yayıb.
Agentliyin həmsöhbətlərinin sözlərinə görə, Vladimir Putin kompromisə getmək niyyətində deyil və hələ də Donbasın tam ələ keçirilməsini hədəfləyir.
Mənbələr iddia edirlər ki, Ukraynanın neft bazaları, neft emalı zavodları və limanlara endirdiyi zərbələr Kremlin mövqeyini dəyişməyib. Əksinə, bu hücumlar Putinin müharibəni davam etdirmək və ən azı "hər hansı bir qələbə" əldə etmək əzmini daha da gücləndirib.
"Reuters" yazır ki, bu səbəbdən yaxın aylarda münaqişənin daha da eskalasiya olunması ehtimalı yüksək qiymətləndirilir.
Məlumatda, həmçinin Ukrayna kəşfiyyatının da Rusiyanın sülhə deyil, növbəti hərbi əməliyyatlara hazırlaşdığı qənaətində olduğu qeyd edilir.
17:31 09.07.2026
Oxunuş sayı: 59
