Rusiya ordusuna yeni Su-30SM2 və Su-34 təyyarələri təhvil verilib
Rusiya Müdafiə Nazirliyinə Su-30SM2 qırıcıları və Su-34 cəbhə bombardmançılarını təhvil verilib.
Crossmedia.az xəbər verir ki, bu barədə Birləşmiş Aviasiya Korporasiyası məlumat yayıb.
Məlumata görə, təyyarələr zavodda yerüstü və uçuş sınaqlarını başa vurduqdan sonra xidmət yerlərinə göndərilib.
Açıqlamada bildirilir ki, Su-30SM2 Rusiyanın ən müasir döyüş təyyarələrindən biridir. İkiyerlik qırıcı Rusiya Hərbi-Kosmik Qüvvələri və Hərbi Dəniz Donanmasının dəniz aviasiyasının silahlanmasındadır.
Şirkətin məlumatına əsasən, modernləşdirilmiş Su-30SM2 əvvəlki versiyalarla müqayisədə daha güclü radiolokasiya stansiyası ilə təchiz olunub. Təyyarənin düşmənin hava hücumundan müdafiə zonasına daxil olmadan yerüstü, dəniz və hava hədəflərini aşkar edib məhv etmək imkanına malik olduğu qeyd edilib.
14:18 09.07.2026
Oxunuş sayı: 64
