Ərdoğan NATO sammitində liderlərə tapança hədiyyə edib
Türkiyə Prezidenti Rəcəb Tayyib Ərdoğan NATO-nun Ankarada keçirilən sammitindən sonra Avropa İttifaqı rəsmilərinə və bir sıra Avropa liderlərinə üzərində həkk olunmuş tapançalar və döyüş sursatı hədiyyə edib.
Crossmedia.az xəbər verir ki, "Politico" bu barədə məlumat yayıb.
Məlumata görə, hədiyyələr Avropa Komissiyasının sədri Ursula fon der Lyayenə, Avropa Şurasının prezidenti Antoniu Koştaya və Aİ ölkələrinin liderlərinə təqdim olunub.
Nəşr yazır ki, Aİ rəhbərliyinin təhlükəsizlik xidməti təqdim olunan hədiyyələri yoxlamaq üçün götürüb. Avropa rəsmiləri tapançaların Belçikada qüvvədə olan qanunvericiliyin tələblərinə uyğun olmadığını bildiriblər. Bu səbəbdən onların Koşta və fon der Lyayen tərəfindən şəxsi şəkildə saxlanılmasının mümkün görünmədiyi qeyd olunur.
Böyük Britaniyanın Baş naziri Kir Starmer və Niderlandın Baş naziri Rob Yetten isə hədiyyə edilən tapançaları saxlayacaqlarını, lakin təhlükəsizlik məqsədilə onların atəş açmaq qabiliyyətinin aradan qaldırılacağını bildiriblər.
11:09 09.07.2026
Oxunuş sayı: 56
