Bəhreyndə 10-dan çox ölkə Hörmüz boğazının təhlükəsizliyini müzakirə edib
ABŞ Mərkəzi Komandanlığı (CENTCOM) Bəhreynin paytaxtı Manamada 12 regional ölkənin yüksək vəzifəli hərbi nümayəndələrinin iştirakı ilə Regional Təhlükəsizlik Dialoqu keçirildiyini açıqlayıb.
CENTCOM-un “X” hesabında yaydığı məlumata görə, görüş Bəhreyn Müdafiə Qüvvələrinin ev sahibliyi ilə təşkil olunub.
Bildirilib ki, CENTCOM-un komandanı admiral Bred Kuper Bəhreyn, Misir, İordaniya, Küveyt, Livan, Oman, Qətər, Səudiyyə Ərəbistanı, Suriya, Birləşmiş Ərəb Əmirlikləri və Yəməndən olan yüksək rütbəli hərbi rəsmilərlə regional təhlükəsizlik vəziyyətini və müdafiə sahəsində əməkdaşlığın genişləndirilməsi imkanlarını müzakirə edib.
Açıqlamada qeyd olunub ki, görüş iştirakçıları Hörmüz boğazından beynəlxalq ticarətin sərbəst və təhlükəsiz şəkildə həyata keçirilməsinin vacibliyini bir daha vurğulayıb və bu istiqamətdə əməkdaşlığı davam etdirmək öhdəliyini təsdiqləyiblər.
12:13 02.07.2026
Oxunuş sayı: 57
