İkinci Opera Günləri davam edir
II Opera Günləri layihəsi çərçivəsində Kamera və Orqan Musiqisi Zalında Azərbaycan Dövlət Akademik Opera və Balet Teatrının solisti, Əməkdar artist İlham Nəzərovun solo konserti olub.
Teatrdan Crossmedia.az-a bildirilib ki, konsert proqramında dünya və Azərbaycan klassik musiqisinin seçilmiş inciləri səsləndirilib.
Tədbirdə çıxış edən sənətşünaslıq üzrə fəlsəfə doktoru, professor, Əməkdar incəsənət xadimi Zümrüd Dadaşzadə solistin zəngin yaradıcılıq yolu və sənət nailiyyətləri haqqında tamaşaçılara ətraflı məlumat verib.
Gecədə Azərbaycan Dövlət Akademik Opera və Balet Teatrının solisti, Əməkdar artist Fəridə Məmmədova da çıxış edib. Konsertdə solistləri Əməkdar artist Əyyub Quliyevin dirijorluğu ilə Qara Qarayev adına Azərbaycan Dövlət Kamera Orkestri müşayiət edib.
II Opera Günləri layihəsi iyunun 30-da Cüzeppe Verdinin “Otello” operasının premyerası ilə yekunlaşacaq.
17:37 29.06.2026
Oxunuş sayı: 43
