Elm və təhsil
Azərbaycanda 2025-2026-cı tədris ilində 760 məktəb təmir olunub
Azərbaycanda 2025-2026-cı tədris ilində 760 ümumi təhsil müəssisəsində təmir işləri aparılıb.
Crossmedia.az xəbər verir ki, bu barədə Elm və Təhsil Nazirliyi məlumat yayıb.
Bildirilib ki, ötən illərdən investisiya büdcəsi hesabına əsaslı təmir olunan və ya tikilən 18 ümumi təhsil müəssisəsinin açılışı 2025-2026-cı tədris ilində baş tutub. Ölkə üzrə 137-si əsaslı olmaqla, 760 ümumi təhsil müəssisəsində təmir işləri aparılıb.
Qeyd olunub ki, bu gün ölkədə 3946 ümumi təhsil müəssisəsi fəaliyyət göstərir. 2025-2026-cı tədris ilində müəllim heyəti 130 mindən, şagird sayı isə 1 600 000-dən çox olub.
16:01 25.06.2026
Oxunuş sayı: 47
