Yaqut İmanova: Flora Kərimovanın səhhəti normaldır
Xalq artisti Flora Kərimovanın müalicəsi xəstəxana şəraitində davam etdirilir.
Crossmedia.az xəbər verir ki, bu barədə sənətkarın köməkçisi Yaqut İmanova məlumat verib.
Onun sözlərinə görə, Xalq artistinin səhhəti normaldır.
"Biz onsuz da hər il iki dəfə onu həkim müayinəsinə gətiririk. Bu dəfə həkimlər belə məsləhət gördü ki, bir az xəstəxana şəraitində müalicə alsın. Hazırda xəstəxanadadır. Qidalanması da, əhvalı da, normaldır".
Yaqut İmanova Xalq artistinin evə buraxılmasına həkimlərin qərar verəcəyini deyib.
"Hələlik evə buraxılması gözlənilmir. İrəliləyən günlərdə ola bilər".
Qeyd edək ki, bir neçə gün öncə Flora Kərimova səhhətində yaranan narahatlıq səbəbindən xəstəxanaya yerləşdirilib. Sənətkarın müalicə prosesi Heydər Əliyev Fondunun prezidenti Mehriban Əliyeva tərəfindən nəzarətə götürülüb.(Report)
12:13 15.06.2026
Oxunuş sayı: 75
