Parisdə “Tiranozavr dərisindən” hazırlanan dünyanın ilk əl çantası satışa çıxarılıb
Parisdə dünyada ilk dəfə tiranozavr dərisindən ilham alınaraq hazırlanan əl çantası hərraca çıxarılıb. Mütəxəssislər məhsulun 300 min - 500 min avro arasında qiymətə satılacağını gözləyirlər.
Crossmedia.az xəbər verir ki, çantanın hazırlanmasında istifadə olunan material ABŞ-nin Montana ştatında aşkar edilmiş Tiranozavr reks (T. rex) fosillərindən əldə olunan zülallar əsasında yaradılıb. Alimlər süni intellekt vasitəsilə qədim yırtıcının kollagen quruluşunu bərpa edib və onu dəriyə bənzər biomateriala çeviriblər.
Bununla belə, bəzi mütəxəssislər məhsulun əsl tiranozavr dərisindən hazırlanmadığını vurğulayırlar. Onların fikrincə, söhbət yalnız qədim canlıdan ilhamlanaraq yaradılmış biomaterialdan gedir.
Qeyri-adi texnologiya əsasında hazırlanan bu məhsul artıq kolleksiyaçılar və innovativ dizayn həvəskarları arasında böyük maraq doğurub. Hərracın yekun nəticələrinin yaxın günlərdə açıqlanacağı gözlənilir.
03:23 13.06.2026
Oxunuş sayı: 52
