Xarici xəbərlər

Nassau Limanında pirat dövrünə aid altı batmış gəmi aşkar edilib

Baham adalarında, Nassau Limanında 17–18-ci əsrlərə aid altı batmış gəmi aşkarlanıb.

Crossmedia.az xəbər verir ki, "The Guardian"-ın məlumatına görə, arxeoloqlar tapılan gəmilərdən üçünün “piratlığın qızıl dövrü” ilə birbaşa əlaqəli olduğunu bildirirlər.

Tədqiqatçılar dəniz dibindən yanan gəmi qalıqları, toplar, tüfəng güllələri, fırlanan silahlar və digər tarixi artefaktlar aşkar ediblər. Mütəxəssislərin fikrincə, bu gəmilər “Karib dənizinin quldurları” kimi tanınan piratların fəaliyyəti barədə mühüm məlumatlar verə bilər.

Araşdırmalara əsasən, bəzi gəmilərin piratlar tərəfindən izləri gizlətmək məqsədilə qəsdən yandırıldığı ehtimal edilir. Tapıntılar arasında məşhur pirat Henri Averi-yə aid ola biləcək gəminin də olduğu düşünülür.

Araşdırmalar davam etdirilir. (Milli.az)