İranın zərbələrinin miqyası açıqlandı: ABŞ-nin 20 hərbi obyekti zədələnib
İranın ABŞ ilə qarşıdurmasının başlanmasından bəri Vaşinqtona məxsus bir sıra hərbi obyektlərə zərbə endirdiyi bildirilir.
Crossmedia.az xəbər verir ki, BBC-nin yaydığı məlumata görə, müharibənin əvvəlindən etibarən İran ABŞ-yə məxsus ən azı 20 hərbi obyektə zərər vurub.
Məlumatda qeyd olunur ki, hücumlar əsasən Yaxın Şərqdə yerləşən hərbi bazalar və strateji obyektləri əhatə edib. Hadisələr nəticəsində bəzi obyektlərdə infrastruktur zədələri qeydə alınıb.
BBC bildirir ki, hücumların miqyası və vurulan ziyanın dəqiq həcmi ilə bağlı bütün məlumatlar hələlik tam açıqlanmayıb. ABŞ rəsmiləri də bəzi hallarda təhlükəsizlik səbəbindən detalları ictimaiyyətlə bölüşmürlər.
Qeyd edək ki, son həftələr Yaxın Şərqdə gərginliyin artması fonunda İran və ABŞ arasında qarşılıqlı zərbələr regionda təhlükəsizliklə bağlı narahatlıqları daha da gücləndirib.
15:30 01.06.2026
Oxunuş sayı: 43