Xarici xəbərlər

Paşinyana qarşı sui-qəsd hazırlığında şübhəli bilinən şəxs həbs edilib

Ermənistanda baş nazir Nikol Paşinyanı hədələyən videoçarxın müəlliflərindən birinin kimliyi müəyyən edilib.

Crossmedia.az xəbər verir ki, Ermənistan İstintaq Komitəsinin məlumatına görə, 2024-cü ildən xaricdə yaşayan M.M. azı dörd nəfərlə birlikdə Paşinyana qarşı sui-qəsd hazırlamaqda şübhəli bilinir.

İstintaqın versiyasına əsasən, qrup üzvləri kimliklərini gizlətmək məqsədilə maska və xüsusi avadanlıqlar alıb, baş nazirin olduğu məkanlar və seçkiqabağı təşviqat marşrutları barədə məlumat toplayıblar. Daha sonra isə Paşinyanı hədələyən video çəkərək internetdə yayıblar.

Bildirilib ki, həmin videonun yayılması iyunun 7-də keçiriləcək parlament seçkiləri öncəsi seçki kampaniyasına maneə yaradıb.

Şübhəli barəsində cinayət işi açılıb və onun haqqında həbs qətimkan tədbiri seçilib.

Qeyd edək ki, cinayət işi mayın 18-də internetdə maskalı və silahlı şəxslərin Paşinyanı hədələdiyi videonun yayılmasından sonra başlanıb.

🖨 Çap et

12:30 01.06.2026

Oxunuş sayı: 61