Ankara PUA sahəsində Yaponiya ilə əməkdaşlığı inkişaf etdirəcək
Ankara Yaponiya ilə pilotsuz uçuş aparatları (PUA) sahəsində əməkdaşlığı inkişaf etdirməkdə maraqlıdır ki, bu da birgə inkişaf və istehsal üçün əhəmiyyətli imkanlar yarada bilər.
Crossmedia.az xəbər verir ki, bunu Türkiyənin xarici işlər naziri Hakan Fidan Yaponiyanın "Nikkei Asia" nəşrinə verdiyi müsahibədə bildirib.
Fidan qeyd edib ki, Türkiyə ən böyük pilotsuz uçuş aparatları istehsalçısıdır və müdafiə sənayesində Tokio ilə əlaqələri dərinləşdirməyə çalışır.
"Türkiyə və Yaponiya bir-birini tamamlayan imkanlara malikdir. Biz inanırıq ki, qarşılıqlı faydalı əməkdaşlıq üçün əhəmiyyətli potensial var".
Fidanın sözlərinə görə, Türkiyənin PUA və pilotsuz sistem texnologiyaları müxtəlif əməliyyat mühitlərində effektivliyini sübut edib və xüsusilə sahil mühafizəsi və sərhəd təhlükəsizliyi kimi sahələrdə Yaponiya ilə birgə inkişaf və istehsal üçün dəyərli imkanlar yarada bilər.
20:55 30.05.2026
Oxunuş sayı: 54
