Xarici xəbərlər

Pezeşkian Azərbaycan və qonşu ölkələrin imkanlarından istifadəni artırmağı təklif edib

İran Prezidenti Məsud Pezeşkian ölkəyə zəruri malların idxalının asanlaşdırılması üçün Azərbaycanın, eləcə də Pakistan və Rusiyanın imkanlarından istifadə edilməsinin vacibliyini vurğulayıb.

Crossmedia.az xəbər verir ki, O, İranın şimal limanlarının potensialından maksimum istifadə edilməli olduğunu, alternativ ticarət dəhlizlərinin inkişaf etdirilməsinin və qonşu ölkələrlə iqtisadi əməkdaşlığın gücləndirilməsinin zəruri olduğunu bildirib.

Pezeşkian qeyd edib ki, lazım olan hallarda zəruri malların və dərmanların tədarükü və daşınması zamanı yaranan maneələrin aradan qaldırılması üçün regional liderlərlə birbaşa məsləhətləşmələr aparacaq.

İranın iqtisadiyyat naziri isə qonşu ölkələrlə aparılan danışıqlar nəticəsində bir sıra quru sərhəd keçid məntəqələrinin və alternativ nəqliyyat marşrutlarının gücləndirildiyini və ticarət axınının artırıldığını bildirib.

🖨 Çap et

13:35 30.05.2026

Oxunuş sayı: 54