Kalininqradda ilk dəfə PUA təhlükəsi elan edilib
Ukrayna Silahlı Qüvvələrinin pilotsuz uçuş aparatları ilə həyata keçirdiyi hücumların coğrafiyası genişlənməkdə davam edir. Rusiya tərəfi ilk dəfə olaraq Kalininqrad vilayətində pilotsuz təyyarə təhlükəsi elan edib.
Crossmedia.az xəbər verir ki, məlumata görə, Kalininqrad vilayətində hava hücumu təhlükəsi ilə bağlı xəbərdarlıq edilib və bölgədə təhlükəsizlik tədbirləri gücləndirilib. Hadisə Rusiyanın Ukrayna ilə sərhəddən uzaq ərazilərinin də artıq mümkün PUA hücumları zonasına daxil olduğunu göstərir.
Ekspertlər bildirirlər ki, Ukrayna son aylarda Rusiyanın dərinliklərində yerləşən hərbi obyektlərə və aerodromlara qarşı uzaqmənzilli pilotsuz aparatlarla zərbələri intensivləşdirib. Daha əvvəl Çelyabinsk vilayətində yerləşən Şaqol aerodromuna edilən hücum da bu strategiyanın bir hissəsi kimi qiymətləndirilmişdi.
Rusiya Müdafiə Nazirliyi müxtəlif regionlarda Ukraynaya məxsus çoxsaylı pilotsuz uçuş aparatlarının vurulduğunu açıqlasa da, hücumların ölkənin daha uzaq bölgələrinə yayılması Moskva üçün yeni təhlükəsizlik çağırışları yaradır.
12:32 27.05.2026
Oxunuş sayı: 49
