Tramp etiraf etdi: Rusiyaya qarşı bu üsul işləmir
ABŞ Prezidenti Donald Tramp Rusiya ilə ticarət dövriyyəsinin az olması səbəbindən Moskvaya qarşı yüksək gömrük rüsumlarının tətbiqini effektiv hesab etmədiyini bildirib.
Crossmedia.az xəbər verir ki, Tramp bu barədə Florida ştatında Konqresə aralıq seçkilər ərəfəsində Respublikaçılar Partiyasının tərəfdarları qarşısında çıxışı zamanı danışıb.
ABŞ Prezidenti gömrük tariflərinin beynəlxalq münaqişələrin dayandırılmasında mühüm rol oynadığını iddia edib.
“Gömrük rüsumları bizə səkkiz müharibəni dayandırmağa kömək edib. Deyərdim ki, onların beşi məhz tariflər və ticarət vasitəsilə dayandırılıb”, – deyə Tramp bildirib.
Onun sözlərinə görə, bəzi ölkələrə hərbi əməliyyatları davam etdirəcəkləri təqdirdə 200 faizlik gömrük rüsumları tətbiq ediləcəyi barədə xəbərdarlıq edib.
“Onlara deyirdim ki, döyüşləri davam etdirsəniz, sizə 200 faizlik gömrük rüsumları tətbiq edəcəyik. Təəccüblüdür ki, onlar müharibələri dayandırırdılar”, – deyə ABŞ lideri vurğulayıb.
Tramp eyni yanaşmanın Rusiya-Ukrayna münaqişəsinə də tətbiqinin mümkünlüyündən danışıb.
“Bəlkə də Ukrayna və Rusiya ilə bağlı elə əvvəldən belə davranmaq lazım idi. Bu barədə heç düşünməmişdim. Amma biz onlardan kifayət qədər məhsul almırıq ki, bu üsuldan istifadə edək. Ona görə də bu işləmir”, – deyə o qeyd edib.
Trampın bu açıqlaması oktyabrın 23-də Florida ştatının Fort-Mayers şəhərində keçirilən seçki mitinqində səslənib. ABŞ Prezidenti gömrük tariflərinin Rusiya və Ukraynaya təsir imkanlarının məhdud olduğunu vurğulayıb.
09:23 24.10.2026
Oxunuş sayı: 50
