İrəvandan sərt qərar: “WarGonzo”müxbirləri ölkəyə buraxılmadı
Semyon Peqovun dezinformasiya nəşri kimi tanınan “WarGonzo”nun müxbirlərinin Ermənistana girişinə icazə verilməyib.
Crossmedia.az xarici KİV-ə istinadən xəbər verir.
Nəşrin redaksiyası ötən ilin noyabr ayında xüsusi müxbir Dmitri Seleznyov İrəvana buraxılmaması ilə bağlı Ermənistan Milli Təhlükəsizlik Xidmətindən rəsmi cavab alıb.
Cavabda bildirilib ki, jurnalistin fəaliyyəti dövlət təhlükəsizliyinə, konstitusiya quruluşuna, ölkənin müdafiə qabiliyyətinə və sosial sabitliyinə təhdid yaradır.
“WarGonzo” isə hesab edir ki, müxbirin ölkəyə buraxılmaması 2020-ci ildə Qarabağa səfəri və həmin dövrdə baş verən hadisələri işıqlandırması ilə bağlıdır.
Nəşrin iddiasına görə, Ermənistan tərəfi həmin reportajları təhlükəli və arzuolunmaz informasiya fəaliyyəti kimi qiymətləndirib.
20:47 07.02.2026
Oxunuş sayı: 409
