Çin və Rusiya sanksiyalara qarşı cavab planı hazırlayır?
Rusiya, Çin və İran arasında yeni hərbi kredit anlaşması ilə bağlı danışıqlar aparılır.
Crossmedia.az bu barədə xarici mediaya istinadən xəbər verir.
Razılaşmaya əsasən, Çin İranın həm Rusiyadan, həm də Çindən daha bahalı və ağır silahlar əldə etməsi üçün kredit ayıracaq.
Bildirilir ki, kredit uzunmüddətli əsaslarla geri qaytarılacaq. Rusiyadan alınacaq silahların ödənişinin bir hissəsini İran özü həyata keçirəcək, qalan hissə isə Çinin ayırdığı kredit hesabına qarşılanacaq.
Məlumata görə, bu mexanizm NATO, ABŞ və Avropa ölkələri arasında Ukraynaya dəstək məqsədilə nəzərdə tutulan PURL anlaşmasının bir növ prototipi kimi qiymətləndirilir.
Qeyd olunur ki, mümkün razılaşma regional və qlobal təhlükəsizlik balansına təsir göstərə biləcək yeni hərbi-maliyyə əməkdaşlığı modelinin formalaşmasına işarə edir.
17:15 07.02.2026
Oxunuş sayı: 1799
