Rusiya və Ukrayna müharibəsinin son tarixi açıqlanır?
ABŞ və Ukrayna 2026-cı ilin mart ayında Moskva ilə Kiyev arasında davam edən münaqişəyə son qoymaq ehtimalını müzakirə edirlər.
Crossmedia.az bu barədə "Reuters" agentliyinə istinadən xəbər verir.
Bildirilir ki, Mayami və Əbu-Dabi şəhərlərində keçirilən görüşlər zamanı amerikalı nümayəndələr sülh planı çərçivəsində referendumun mümkün qədər tez keçirilməsinin arzuolunan olduğunu vurğulayıblar. Məlumata görə, Vaşinqtonda Konqresə aralıq seçkilərinin yaxınlaşması fonunda ABŞ prezidenti Donald Trampın daxili siyasi gündəmə daha çox fokuslanacağı və bunun ABŞ-nin sülh razılaşmasına nail olmaq üçün siyasi resurslarını azalda biləcəyi ilə bağlı narahatlıqlar mövcuddur.
Eyni zamanda "Reuters" qeyd edir ki, Moskva mümkün sülh nizamlanmasının tərkib hissəsi kimi Zaporojjya Atom Elektrik Stansiyasının Amerikanın tam nəzarətinə verilməsi ilə bağlı təklifi rədd edib.
Agentliyin məlumatına əsasən, bu məsələ tərəflər arasında əsas fikir ayrılıqlarından biri olaraq qalır və sülh danışıqlarının gedişinə birbaşa təsir göstərə bilər.
13:51 07.02.2026
Oxunuş sayı: 1053
