Xarici xəbərlər

Nazir sərt danışdı: Bizim bu məsələyə aidiyyatımız yoxdur

Ukraynanın xarici işlər naziri Andriy Sıbiha bildirib ki, Kiyev Rusiya Silahlı Qüvvələri Baş Qərargahının Baş Kəşfiyyat İdarəsinin (QRU) birinci müavini Vladimir Alekseyevə qarşı törədilən sui-qəsdə aidiyyəti yoxdur.

Crossmedia.az bu barədə Reuters agentliyinə istinadən məlumat verir.

Xüsusilə, Rusiyanın xarici işlər naziri Sergey Lavrov Ukraynanı generalı hədəf alan sui-qəsddə ittiham edib. O, bunu “sülh danışıqlarını pozmaq məqsədi daşıyan təxribat” kimi əsaslandırıb.

Andriy Sıbiha isə bəyan edib ki, “Kiyevin bu hücumla heç bir əlaqəsi yoxdur.”

Xatırladaq ki, fevralın 6-da Moskvada naməlum şəxs Rusiya Müdafiə Nazirliyinin general-leytenantı Vladimir Alekseyevə bir neçə dəfə atəş açıb. Generala arxadan atəş açıldıqdan sonra hücum edən şəxs hadisə yerindən qaçıb.

Turqut Ansari

🖨 Çap et

13:15 07.02.2026

Oxunuş sayı: 579