Bu sosial şəbəkə bağlanır
Telegram messencerin bloklanması sentyabrda baş verəcək. Bu barədə Dövlət Dumasının İqtisadi siyasət komitəsi sədrinin müavini Mixail Delyagin açıqlama verib.
Crossmedia.az “Ostrojno, novosti” kanalına istinadən xəbər yayıb.
Delyaginin sözlərinə görə, Telegram Rusiyada YouTube-un bloklanması sxemi üzrə tam bağlana bilər.
“Telegram-un bağlanmasını şəxsən mən YouTube ssenarisi ilə — haradasa seçkilərə yaxın gözləyirəm. Amma yenə də auditoriyanın bir hissəsi orada qalacaq. Hamının sevmədiyi məşhur MAX platforması biznesin böyük bir hissəsi üçün əsas mühitə çevriləcək. Buna görə də biznes damcıların arasından yol tapmalı, hətta dövlət siyasətinə baxmayaraq mövcud olmalı və inkişaf etməlidir — o cümlədən yerli dövlət siyasətinin təqdim etdiyi alətlərdən istifadə etməklə”, — deyə Delyagin bildirib.
Yanvarın 16-da KİV-lər xəbər veriblər ki, ilin əvvəlindən etibarən Rusiyada Telegram istifadəçiləri video faylların yüklənməsi ilə bağlı kütləvi problemlərdən şikayət etməyə başlayıblar. “Moskva 24” mənbələrinin məlumatına görə, bu hal Roskomnadzorun messencerə qarşı tətbiq etdiyi yeni tədbirlərlə əlaqədar olub.
Dövlət Dumasında isə bu vəziyyət Telegram administrasiyasına “işarə” kimi qiymətləndirilib.
15:51 27.01.2026
Oxunuş sayı: 422
