Böyük Britaniyanın Baş naziri Keir Starmerin Pekinə səfəri Londonun xarici siyasətində mümkün tarixi dəyişikliklərin əlaməti kimi qiymətləndirilir.
Crossmedia.az xəbər verir ki, bu barədə “The Atlantic” nəşri yazıb.
Məqalədə qeyd olunur ki, bu səfər ənənəvi Qərb ittifaqlarında yaşanan böhran fonunda Böyük Britaniyanın Çinlə münasibətlərdə yeni dəstək və əməkdaşlıq imkanları axtarmağa məcbur qaldığını göstərir.
Nəşrin yazdığına görə, sözügedən yaxınlaşma “qlobal London”un yenidən yüksəlişindən çox, ölkənin əvvəlki beynəlxalq təsir imkanlarını itirməsi şəraitində müxtəlif güc mərkəzləri arasında balans yaratmaq cəhdi kimi dəyərləndirilir.
Analitiklər hesab edirlər ki, Starmer hökumətinin bu addımı Böyük Britaniyanın dəyişən qlobal siyasi reallıqlara uyğunlaşmaq istəyi ilə bağlıdır və Londonun xarici siyasət prioritetlərinin yenidən formalaşdığını göstərir.
