Rubio Bağdada Tehranla əlaqələrə görə XƏBƏRDARLIQ ETDİ
ABŞ dövlət katibi Marko Rubio İraqın İranla münasibətləri fonunda Bağdada xəbərdarlıq ünvanlayıb.
Crossmedia.az xəbər verir ki, bu barədə İraqlı siyasi mənbə məlumat yayıb.
Bu addımın əsas səbəbi Nuri əl-Malikinin İraqın baş naziri vəzifəsinə mümkün qayıdışı ilə bağlıdır. Sözügedən ehtimal ABŞ-də narahatlıq yaradıb.
Mənbənin sözlərinə görə, Rubio Məhəmməd Şiə əs-Sudani ilə telefon danışığında gələcək İraq hökumətinin ölkəni Yaxın Şərqdə “sabitlik, rifah və təhlükəsizlik qüvvəsinə” çevirmək istiqamətində çalışacağına ümid etdiyini bildirib.
Bu mövqe İraq parlamentindəki ən böyük şiə fraksiyasının 2014-cü ildə ABŞ-nin təzyiqi ilə hakimiyyətdən gedən Nuri əl-Malikini yenidən baş nazir postuna namizəd göstərməsindən sonra ortaya çıxıb.
Müşahidəçilər qeyd edirlər ki, İraqda İrana yaxın bir hökumətin formalaşması son dövrlər daxili və regional problemlərlə üzləşən Tehran üçün siyasi nailiyyət kimi qiymətləndirilə bilər.
Eyni zamanda, Vaşinqtonun Bağdaddan əsas tələblərindən biri İranın dəstəklədiyi şiə silahlı qruplaşmalarının yenidən fəallaşmasının və ölkədə təsir imkanlarını genişləndirməsinin qarşısının alınmasıdır. ABŞ tərəfi bu məsələnin İraqın daxili sabitliyi və regional təhlükəsizlik baxımından həlledici olduğunu vurğulayır.
10:13 27.01.2026
Oxunuş sayı: 471
