Arktikada gərginlik: Danimarka Qrenlandiyaya əlavə qüvvə göndərdi
Danimarka Hərbi Dəniz Qüvvələrinə məxsus döyüş gəmisi Qrenlandiyanın paytaxtı Nuuk sahillərində patrul xidməti həyata keçirir.
Crossmedia.az xarici KİV-ə istinadən xəbər verir.
Məlumata görə, əməliyyat adanın ətraf akvatoriyasında təhlükəsizliyin gücləndirilməsi məqsədi daşıyır.
Xatırladaq ki, Kopenhagen Qrenlandiyaya əlavə hərbi texnika və qabaqcıl hərbi dəstə göndərib. Bu addım regionda artan geosiyasi həssaslıq fonunda atılıb.
Danimarkanın adadakı hərbi komandanlığı bildirib ki, ölkə Qrenlandiyada keçirilən hərbi təlimlərin miqyasını genişləndirir və “Arktika Dözümlülüyü Əməliyyatı”nın müddətini daha bir il uzadır.
Qeyd olunub ki, əsas məqsəd Arktika regionunda müdafiə qabiliyyətinin artırılması və mümkün risklərə operativ cavab mexanizmlərinin gücləndirilməsidir.
21:36 20.01.2026
Oxunuş sayı: 1415
