Xarici xəbərlər

Xameneyi: Bu mübarizə nüvə məsələsi ilə məhdudlaşmır

İranın ali rəhbəri Əli Xameneyi çıxışında ölkənin alim və generallarının həlak olmasına toxunaraq bildirib ki, bu hadisələr İran gənclərinin fəaliyyətini dayandıra bilməyib və dayandıra da bilməyəcək.

Crossmedia.az bu barədə xarici mediaya istinadən xəbər verir.

ABŞ ordusunun və onun müttəfiqlərinin bölgədəki rolunu tənqid edən Xameneyi, İran gənclərinin təşəbbüs və fədakarlığının xarici təzyiqlərə qarşı həlledici olduğunu iddia edib. O, habelə, vurğulayıb ki, məsələ yalnız nüvə proqramı ilə bağlı deyil, daha geniş şəkildə qlobal güc balansı və mövcud beynəlxalq sistemlə əlaqəlidir.

İranın ali rəhbəri çıxışında xaricdə yaşayan iranlı öyrəncilərə də müraciət edərək, onların bu prosesdə rolunun vacib olduğunu qeyd edib və fəaliyyətlərini bu istiqamətdə yönəltməyə çağırıb. (ISNA)

Qeyd edək ki, bu çıxış rəsmi dairələr tərəfindən ideoloji və siyasi mövqe kimi qiymətləndirilir və regionda artan gərginlik fonunda səsləndirilib.

🖨 Çap et

23:00 27.12.2025

Oxunuş sayı: 1102