Bu həftə hansı bürcləri sevgi gözləyir? Əqrəblər diqqət mərkəzində
Bu həftə astrologiyada münasibətlər, sevgi həyatı və emosional vəziyyətlə bağlı diqqətçəkən proseslər yaşanacaq. Veneranın Əqrəb bürcündə yerləşməsi insanların hisslərini daha dərin və intensiv yaşamasına səbəb ola bilər. Ayın da Əqrəb bürcündə olması emosional həssaslığı artıraraq münasibətlərdə əvvəldən gizli qalan məsələlərin üzə çıxmasına zəmin yarada bilər. Xüsusilə Veneranın Plutonla gərgin aspekti sevgi münasibətlərində qısqanclıq, şübhə və qarşıdurma ehtimalını yüksəldir. Bu səbəbdən tərəflərin bir-birinin söz və davranışlarına daha həssas reaksiya verməsi mümkündür. Həftə ərzində bəzi münasibətlərdə adi fikir ayrılıqları belə böyüyərək ciddi konfliktlərə çevrilə bilər. Digər tərəfdən, astroloji təsirlər yalnız gərginliklə məhdudlaşmır, insanlarda ailəyə və yaxın münasibətlərə bağlılığı, eləcə də daha məntiqli qərarlar vermək istəyini gücləndirə bilər. Bu dövrdə xüsusilə qısqanclıq yaratmaq və qarşı tərəfin diqqətini süni şəkildə cəlb etmək kimi davranışlardan uzaq durmaq münasibətlərin qorunması baxımından əhəmiyyətlidir. Bəs qarşıdakı günlərdə hansı bürcləri gərgin münasibətlər, hansıları isə daha sakit və ailəcanlı günlər gözləyir?
Mövzu ilə bağlı Crossmedia.az-a açıqlamasında astroloq Nərmin Zeynalova bildirib ki, bu həftə Veneranın Əqrəb bürcündə yerləşməsi və Ayın da hal-hazırda Əqrəb bürcündə olması fonunda gərgin astrologiya meylləri müşahidə olunur: "Xüsusilə Veneranın Plutonla olan gərgin aspektləri münasibətlərə birbaşa təsir göstərə bilər. Bütün bürclərdə münaqişələr, konfliktlər və qısqanclıq hissinin artacağını proqnozlaşdırmaq olar. Reaksiyaların adətən olduğundan daha sərt olması gözlənilir. Tərəfdaşı qısqandırmaqdan çəkinmək tövsiyə olunur. Eyni zamanda, diqqəti həddindən artıq üzərinizə çəkməməyə çalışın; paxıllıq hissi də müəyyən problemlərə yol aça bilər. Bütün bunlarla yanaşı, həftə ərzində insanlarda daha məntiqli düşüncə və ailəcanlılıq meylləri də ön plana çıxacaq. Baş verən astroloji hadisələr isə daha çox Əqrəb bürcünə təsir edəcək. Onların şəxsi həyatı tam diqqət mərkəzində olacaq".
Zeynəb Həsən
16:30 15.09.2026
Oxunuş sayı: 49
