Səudiyyə vəliəhdinə aid edilən saxta video ifşa olundu
Səudiyyə Ərəbistanının vəliəhd şahzadəsi Məhəmməd bin Salmanın guya “islamın yenilənmiş versiyası”ndan danışdığı iddia edilən video saxtadır. Bu barədə mediainzibati monitorinq layihəsi AkhbarMeter məlumat yayıb.
Crossmedia.az xəbər verir ki,sosial şəbəkə X-də yayılan videoda vəliəhd şahzadənin Milad bayramının, eləcə də xristian və yəhudi dini bayramlarının qeyd olunmasına icazə verən “yenilənmiş islam” konsepsiyasını dəstəklədiyi iddia edilirdi. Lakin aparılan yoxlama nəticəsində məlum olub ki, videodakı görüntü Məhəmməd bin Salmanın Səudiyyə–Amerika İnvestisiya Forumundakı real çıxışına aiddir və o, həmin tədbirdə yalnız iqtisadi məsələlərdən danışıb.
Araşdırma göstərib ki, videodakı səs süni intellekt vasitəsilə sonradan əlavə edilib. Saxta videoda vəliəhd şahzadəyə əvvəl bu cür bayramların qadağan olunduğu, indi isə guya onun tövsiyəsi ilə şeyxlərin həmin bayramların qeyd edilməsinə icazə verən “hazır fətvalar” hazırladığına dair sözlər də aid edilir.
AkhbarMeter bu iddiaların həqiqətə uyğun olmadığını və videonun manipulyasiya məqsədilə hazırlandığını bəyan edib.
Nastya Qəniyeva
21:05 27.12.2025
Oxunuş sayı: 1005
