Kamboca, Çin və Tailand sərhəd münaqişəsini müzakirə edəcək
Tailandın Xarici İşlər Nazirliyinin məlumatına görə, Kamboca, Çin və Tailand dekabrın 28–29-da Çinin Yunnan əyalətində üçtərəfli məsləhətləşmələr keçirəcək. Görüşlərin əsas mövzusu Tailand–Kamboca sərhəd münaqişəsinin nizamlanması olacaq.
Crossmedia.az xarici mediaya istinadən xəbər verir ki, məsləhətləşmələr Çinin təşəbbüsü ilə təşkil olunur. Bu çərçivədə Tailandın xarici işlər naziri Sihasak Phuangketkeow çinli həmkarı Van İ ilə ikitərəfli danışıqlar aparacaq.
Eyni zamanda, tərəflər Tailand–Kamboca sərhəd komitəsinin son iclasının nəticələrini də müzakirə edəcək və mövcud vəziyyətin sabitləşdirilməsi istiqamətində mümkün addımları nəzərdən keçirəcəklər.
Nigar Yahyazadə
17:24 27.12.2025
Oxunuş sayı: 1120
