ABŞ-da Meksika Hərbi Dəniz Qüvvələrinə məxsus təyyarə qəzaya uğrayıb: 5 nəfər həlak olub
ABŞ-ın Texas ştatında Meksika Hərbi Dəniz Qüvvələrinə məxsus təyyarənin qəzaya uğraması nəticəsində beş nəfər həyatını itirib. Təyyarə ağır yanıq xəsarətləri almış xəstələri daşıyırdı.
Crossmedia.az xəbər verir ki,Meksika Hərbi Dəniz Qüvvələrinin yaydığı rəsmi məlumata görə, təyyarədə ümumilikdə səkkiz nəfər olub. Onlardan beşi hadisə yerində həlak olub, iki nəfər sağ tapılıb, bir nəfərin isə taleyi hələ də naməlum olaraq qalır. Hazırda itkin düşən şəxsin axtarış-xilasetmə işləri davam etdirilir.
Qəzanın başvermə səbəbləri hələlik açıqlanmayıb. Hadisə ilə bağlı araşdırma aparılır. ABŞ və Meksika rəsmiləri birgə əməkdaşlıq çərçivəsində qəzanın təfərrüatlarını müəyyən etməyə çalışırlar.
Qeyd edək ki, Meksika Hərbi Dəniz Qüvvələrinə məxsus bu tip tibbi evakuasiya uçuşları, xüsusilə ağır vəziyyətdə olan xəstələrin ixtisaslaşmış xəstəxanalara çatdırılması məqsədilə həyata keçirilir.
Nastya Qəniyeva
10:20 23.12.2025
Oxunuş sayı: 3271
