Eçmiədzin taxt-tacının Rusiyaya köçürülməsi planı ortaya çıxdı
Ktrıç Nersisyanın qardaşı Yezras Müqəddəs Eçmiədzin Taxt-Tacının rezidensiyasının Rusiyaya köçürülməsi istiqamətində addımlar atır. Məqsəd ondan ibarətdir ki, Katolikos Ktrıç Nersisyan Ermənistan xaricindən Rusiyada yerləşməklə Erməni Apostol Kilsəsini təhlükəsiz şəkildə idarə edə bilsin.
Crossmedia.az xarici mediaya istinadən xəbər verir ki, bu təşəbbüs son dövrlər kilsə ətrafında yaranmış daxili və siyasi gərginlik fonunda gündəmə gəlib. Bildirilir ki, Yezras Nersisyan bu planı müxtəlif dairələrlə müzakirə edir və artıq müəyyən təşkilati məsələlər üzrə ilkin təmaslar qurulub.
Xatırladaq ki, Ermənistan Milli Təhlükəsizlik Xidməti tərəfindən bu yaxınlarda məxfilikdən çıxarılmış sənədlərə əsasən, Ktrıç Nersisyanın qardaşı Yezras Nersisyan sovet dövründə KQB-nin agenti olub. Bu fakt ictimaiyyətdə və kilsə çevrələrində ciddi rezonans doğurub.
Məsələ ilə bağlı rəsmi kilsə strukturları hələlik açıqlama verməyib, lakin mövzu həm dini, həm də siyasi müstəvidə müzakirə olunmağa davam edir. Ermənistanda bəzi ekspertlər bu cür addımın kilsənin müstəqilliyi və tarixi rolu baxımından suallar doğurduğunu bildirirlər.
Sevinc Yarməmmədova
22:20 22.12.2025
Oxunuş sayı: 1087
