2026-cı ildən İstanbul-İrəvan arasında müntəzəm uçuşlar başlayacaq
Türkiyə ilə Ermənistan arasında əlaqələrin yumşaldılması istiqamətində atılan addımlar davam edir. Bu proses çərçivəsində Türkiyənin milli aviadaşıyıcısı Turkish Airlines gələn ildən etibarən İstanbuldan İrəvana müntəzəm hava reysləri həyata keçirməyə hazırlaşır.
Crossmedia.az xarici mediaya istinadən xəbər verir ki, Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıç “X” sosial şəbəkəsində paylaşım edərək bildirib ki, bu istiqamətdə daha bir mühüm addım atılıb.
Onun sözlərinə görə, Turkish Airlines 2026-cı il 11 mart tarixindən etibarən İstanbul–İrəvan–İstanbul marşrutu üzrə gündəlik müntəzəm reyslər həyata keçirməyə başlayacaq. Kılıç bu qərarın Türkiyə–Ermənistan münasibətlərinin normallaşması prosesinə töhfə verəcəyini qeyd edib.
Zeynəb Xuduyeva
21:55 22.12.2025
Oxunuş sayı: 932
