İran parlamentində inflyasiyaya etiraz: Millət vəkili bahalaşmanı sərt tənqid edi
İran parlamentində inflyasiyaya etiraz səsləri yüksəlib.
Crossmedia.az bu barədə xarici mediaya istinadən xəbər verir.
Millət vəkili Həmidrza Qudərzi parlamentin plenar iclasında çıxışı zamanı ölkədə artan bahalaşmanı sərt tənqid edib. O bildirib ki, yüksək qiymətlər fonunda xalqı “Çillə gecəsi” (Yəlda) münasibəti ilə təbrik etmək mümkün deyil.
Qudərzi vurğulayıb ki, dolların qiymətinin artması insanların gündəlik həyatını ciddi şəkildə çətinləşdirib və bu vəziyyətə görə iqtisadiyyat naziri və Mərkəzi Bank məsuliyyət daşımalıdır. Onun sözlərinə görə, əsas ərzaq məhsullarının qiymətləri kəskin yüksəlib: qoz-fındıq 1 milyon 200 min tümən (təxminən 9,60 $), düyü 300 min tümən (2,40 $), ət 1 milyon tümən (8 $), toyuq isə 150 min tümən (1,20 $), meyvə qiymətləri isə “astronomik səviyyəyə” çatıb.
Millət vəkili bildirib ki, əhali artıq bu bahalaşmaya dözə bilmir və iqtisadiyyat naziri, xüsusilə də Mərkəzi Bankın rəhbəri Məhəmməd Rza Fərzin mövcud vəziyyətə görə cavabdeh olmalıdır.
20:33 22.12.2025
Oxunuş sayı: 1063
