Türk Dövlətləri Təşkilatı qlobal güc oyununda rolunu artırır
Yeni qlobal güc mübarizəsində Türk Dövlətləri Təşkilatının (TDT) rolu getdikcə artır.
Crossmedia.az "The New Arab"a istinadən xəbər verir ki, dəyişən beynəlxalq siyasi balans fonunda Türkiyə, Azərbaycan, Qazaxıstan, Qırğızıstan və Özbəkistanın bir araya gəldiyi bu platforma artıq yalnız regional əməkdaşlıq mexanizmi deyil, qlobal güc oyununda nəzərə alınan birlik kimi qəbul olunur.
Analitiklər bildirirlər ki, TDT-nin Avrasiya məkanında yerləşməsi, enerji resursları, tranzit yolları və ortaq mədəni-tarixi bağları təşkilatın geosiyasi çəkisini artırır. ABŞ və digər böyük güclərin təşkilata artan marağı da bu tendensiyanı təsdiqləyir.
Mütəxəssislər qeyd edirlər ki, TDT:
iqtisadi inteqrasiyanı dərinləşdirir;
təhlükəsizlik və enerji sahəsində əməkdaşlığı genişləndirir;
Avrasiya regionunda yeni güc mərkəzi kimi formalaşır.
19:55 22.12.2025
Oxunuş sayı: 956
