Xarici xəbərlər

İsrail nümayəndə heyəti Rusiyada ikitərəfli və regional məsələləri müzakirə edib

İsrail nümayəndə heyəti Rusiyaya səfər edib.

Crossmedia.az bu barədə İsrail mediasına istinadən xəbər verir.

Nümayəndə heyətinə Mossad, Aman və İsrail Müdafiə Qüvvələrinin (IDF) yüksək rütbəli şəxsləri, habelə Xarici İşlər Nazirliyinin müavini daxildir. Heyət Rusiya ilə ikitərəfli münasibətlər və İran məsələsini müzakirə edib.

Məlumata əsasən, İsrail tərəfi Rusiyanın neytral qalması şərti ilə bəzi iş adamlarına tətbiq edilmiş sanksiyaların ləğv edilə biləcəyini və ABŞ Prezidenti Trampla münasibətlər baxımından daha güclü lobbiçilik imkanlarının olduğunu vurğulayıb. Eyni zamanda, İsrail Suriyada Rusiyanın iştirakının artmasına maraqlı olduqlarını qeyd edib.

Bundan əlavə, Benyamin Netanyahu və Vladimir Putin arasında görüş üçün hazırlıq məsələləri müzakirə olunub.

🖨 Çap et

19:43 22.12.2025

Oxunuş sayı: 885