Xarici xəbərlər

Türkiyə nümayəndə heyəti Dəməşqdə təhlükəsizlik üzrə danışıqlar aparıb

Türkiyənin yüksək səviyyəli nümayəndə heyəti Dəməşqdə təhlükəsizlik məsələləri üzrə danışıqlar aparıb.

Crossmedia.az bu barədə xarici mediaya istinadən xəbər verir.

Suriya Prezidenti Əş-Şaraa Dəməşqdə işgüzar səfərdə olan türk nümayəndə heyətini qəbul edib. Heyətdə Türkiyə Xarici İşlər Naziri Hakan Fidan, Milli Müdafiə Naziri Yaşar Güler və Milli Kəşfiyyat Təşkilatının (MİT) rəhbəri İbrahim Kalın yer alıb.

Suriya tərəfdən görüşdə Müdafiə Naziri Abu Kasra və Xarici İşlər Naziri əl-Şibani iştirak edib.

Suriya KİV-nin məlumatına görə, danışıqlar zamanı ikitərəfli münasibətlər, təhlükəsizlik sahəsindəki vəziyyət və son regional hadisələr müzakirə olunub.

🖨 Çap et

19:38 22.12.2025

Oxunuş sayı: 998