Xarici xəbərlər

İraq sərhədindəki gizli baza: SEPAH-ın yeraltı tunelləri üzə çıxdı

Suriyanın İraqla sərhədinə yaxın ərazidə SEPAH-a aid olduğu bildirilən “İmam Əli” adlı hərbi baza ilə bağlı yeni görüntülər yayılıb.

Crossmedia.az xarici KİV-ə istinadən xəbər verir ki, Məlumatı Suriyada hərbi mövzular üzrə paylaşımlar edən “Qəle-ye Əlməziq” adlı sosial media kanalı yayıb.

Paylaşılan görüntülərdə bazanın uzun illər əvvəl inşa edildiyi və Suriya böhranındakı son siyasi dəyişikliklərdən sonra tərk edildiyi açıqlanıb. Bildirilir ki, sözügedən obyekt təxminən 7 il əvvəl SEPAH tərəfindən yaradılıb və İraq sərhədinə yaxın strateji mövqedə yerləşir. Bazada İranla əlaqəli “Fatemiyun” briqadasının iştirakı ilə geniş və çoxşaxəli tunel sistemi qurulub.

Yayımlanan görüntülərdə böyük yeraltı keçidlər əks olunub. Bu tunellər Hizbullaha silah ötürülməsində əsas marşrutlardan biri kimi istifadə olunub.

🖨 Çap et

19:20 22.12.2025

Oxunuş sayı: 1167