İsrail müdafiə naziri İsrael Katz bildirib ki, İran sürətlə hərbi gücünü artırır və bu, ciddi narahatlıq doğurur.
Crossmedia.az xarici mediaya istinadən xəbər verir ki, nazirin sözlərinə görə, ballistik raketlərin istehsal sürəti, toplanan ehtiyatlar və dron imkanları xüsusilə həyəcanvericidir. O vurğulayıb ki, əgər İranın bu sürətli hərbi inkişafının qarşısı qısa zamanda alınmasa, Tehran rejimi yaxın gələcəkdə ayda 3 min raket və 8 min dron istehsal həcminə çata bilər.
Hazırda İranın arsenalında təxminən 4 min ballistik raket və 15 minlik dron ehtiyatı olduğu qeyd olunur. İsrael Katz bildirib ki, İran həmçinin hava gücünü artırmağa çalışır və əgər Tehran rejiminin fəaliyyəti vaxtında dayandırılmazsa, vəziyyət gec ola bilər.
