Belçikada Napoleon irsinə qarşı oğurluq
Avropanın tarixi irsi ilə bağlı ciddi təhlükəsizlik problemi ortaya çıxıb. Belçikada Napoleon Bonapartın adı ilə bağlı nadir və yüksək dəyərə malik eksponatların saxlanıldığı məkanda baş verən oğurluq hadisəsi geniş rezonans doğurub. Tarixi əhəmiyyəti böyük olan əşyaların itməsi mədəni irsin qorunması məsələsini bir daha gündəmə gətirib.
Crossmedia.az xarici mediaya istinadən xəbər verir ki, Napoleonun beş brilyantla bəzədilmiş üzüyü Belçikadakı iqamətgahından oğurlanıb. Cinayətkarlar dekabrın 17-dən 18-nə keçən gecə Jenap şəhərində yerləşən muzeyə binada konsyerjin olmasına baxmayaraq daxil olublar.
Hadisə zamanı həmçinin qızıl və gümüş sikkələrin də yoxa çıxdığı bildirilib.
Hazırda faktla bağlı araşdırma aparılır, hüquq-mühafizə orqanları muzeyin təhlükəsizlik sistemindəki boşluqları araşdırır. Oğurlanan əşyaların tapılması və hadisənin iştirakçılarının müəyyənləşdirilməsi istiqamətində əməliyyat tədbirləri davam etdirilir.
Zeynəb Xuduyeva
18:43 20.12.2025
Oxunuş sayı: 1051
