Xarici xəbərlər

Türkiyə Pakistan üçün ikinci MILGEM korvetini təqdim edib

Türkiyə 2018-ci ildə imzalanmış müdafiə müqaviləsi çərçivəsində Pakistan üçün dörd MILGEM korvetindən ikincisini təqdim edib.

Crossmedia.az xarici mətbuata istinadən xəbər verir ki, bu sözləri Türkiyə Prezidenti Rəcəb Tayyib Ərdoğan TRT-yə müsahibəsində bildirib.

Türkiyə lideri xatırladıb ki, razılaşmaya əsasən, ilk iki korvet İstanbulda – İstanbul Hərbi Dəniz Gəmi Zavodunda inşa olunmalı idi.

“İlk gəmi olan ‘PNS Babür’ı Pakistan’a 24 may 2024-cü ildə təqdim etdik. Bu gün isə bütün sınaqlardan uğurla keçmiş ‘PNS Hayber’i təqdim edirik. Layihə çərçivəsində üçüncü və dördüncü korvetlər Pakistanın Karaçi şəhərindəki zavodda inşa olunacaq. Üçüncü gəmi ‘PNS Bedir’ iyun 2026-cı ildə, dördüncü gəmi ‘PNS Tarık’ isə 2027-ci ilin birinci rübündə təqdim olunacaq”, – deyə Ərdoğan bildirib.

Pərvin Hacıyeva

🖨 Çap et

18:02 20.12.2025

Oxunuş sayı: 1096