Xarici xəbərlər
Qəzaya uğrayan C-130 təyyarəsi ilə bağlı araşdırma davam edir
Türkiyənin Milli Müdafiə Naziri Yaşar Güler bildirib ki, noyabr ayında Gürcüstanda, Azərbaycan sərhədinə yaxın ərazidə baş verən C-130 hərbi nəqliyyat təyyarəsinin qəzası ilə bağlı araşdırmalar davam edir.
Bu barədə Crossmedia.az TRT-nin yaydığı məlumata istinadən xəbər verir.
Nazirin sözlərinə görə, qəzaya uğramış təyyarənin “qara qutu”su TUSAŞ şirkətində öyrənilməkdədir. Yaşar Güler qeyd edib ki, C-130 təyyarələri dünyada ən təhlükəsizlərdən hesab olunur və təxminən 70 ölkədə istifadə edilir.
O əlavə edib ki, qəza baş verdikdən sonra Türkiyə bütün C-130 təyyarələrini yoxlamaq üçün hərbi hava qüvvələrinə göndərib. “Yoxlamalar tamamlandıqdan sonra bu təyyarələrin istismarı davam etdiriləcək”, – deyə nazir vurğulayıb:
“Qəzaya uğramış təyyarənin qara qutusu hələ TUSAŞ-da öyrənilir. Qəza araşdırma komissiyası işini davam etdirir və araşdırma hələ tamamlanmayıb. Nəticə nə olursa olsun, onu tam şəffaflıqla ictimaiyyətə çatdıracağıq”, – deyə Yaşar Güler bildirib.
Mehriban İbrahimli
17:32 20.12.2025
Oxunuş sayı: 5554
