Krım tatar liderləri türk kimliyi ilə bağlı bəyanatlar səsləndiriblər
Krım tatar xalqının liderlərindən olan Mustafa Cəmil Kırımoğlu türk kimliyi ilə bağlı fikirlərini ifadə edib. O bildirib ki, adlarının tatar olmasına baxmayaraq, mahiyyət etibarilə türk xalqına mənsubdurlar və ayrı bir irq deyillər.
Bu barədə Crossmedia.az xəbər verir.
Bənzər mövqeni Krım tatar roman yazıçısı Çingiz Dağçı da ifadə edib. Onun sözlərinə görə, müxtəlif türk xalqlarının fərqli adlarla çağırılması onların ayrı-ayrı xalqlar olduğu anlamına gəlmir. Dağçı vurğulayıb ki, türklər bölünməz bir bütövdür və vahid kimliyə malikdir:
“Bizi tatarlar, noqaylar, türkmənlər, qazaxlar, özbəklər, azərbaycanlılar, alanlar, uyğurlar, başqırdlar, qırğızlar adlandırırlar. Bütün bunlar yalandır! Dəniz bölünməzdir, BİZ türklərik!”
Türkanə Məşədiyeva
14:08 20.12.2025
Oxunuş sayı: 1024
