Xarici xəbərlər

Özbəkistan Senatı 2026-cı il üçün dövlət büdcəsini təsdiqlədi

Özbəkistan Respublikası Ali Məclisinin Senatı 2026-cı il üçün dövlət büdcəsini 402,6 trilyon sum (təxminən 33,5 milyard ABŞ dolları) həcmində təsdiq edib.

Crossmedia.az xarici mətbuata istinadən xəbər verir ki, qəbul edilən büdcə qanununa əsasən, ümumi xərclərin 55 faizi — 220 trilyon sumdan (18,3 milyard ABŞ dollarından çox) artıq vəsait — sosial dəstəyə və insan kapitalının inkişafına yönəldiləcək.

Rəsmi proqnozlara görə, 2026-cı ildə ÜDM-in artımı 6,6 faiz səviyyəsində gözlənilir, inflyasiyanın isə 7 faiz çərçivəsində saxlanılması planlaşdırılır. Konsolidə edilmiş dövlət büdcəsinin gəlirləri 515,8 trilyon sum, xərcləri 567,6 trilyon sum təşkil edəcək, büdcə kəsiri isə ÜDM-in 3 faizi ilə məhdudlaşdırılacaq.

Büdcədə əsas prioritet təhsil sahəsinə verilib və bu istiqamətə 100 trilyon sum vəsait ayrılıb. Səhiyyə sektoruna isə 49 trilyon sum maliyyə vəsaiti nəzərdə tutulub.

Pərvin Hacıyeva

🖨 Çap et

23:30 18.12.2025

Oxunuş sayı: 925