Ermənistan polisi planlaşdırılan mitinqlə bağlı vətəndaşlara xəbərdarlıq edib
Ermənistan Daxili İşlər Nazirliyi dekabrın 18-i axşam saatlarında Eçmiədzində planlaşdırılan mitinqlə əlaqədar vətəndaşları mümkün təxribatlardan çəkinməyə çağırıb.
Crossmedia.az xəbər verir ki, bu barədə Ermənistan KİV-i məlumat yayıb.
Məlumata görə, daha əvvəl Erməni Apostol Kilsəsinin on yepiskopu katolikos II Qareginə qarşı mövqe sərgiləyərək, Birinci Taxt-Tacı Müqəddəs Eçmiədzində toplaşmağa çağırış edib. Daha sonra Araqatsotn yeparxiyası Eçmiədzində keçirilməsi nəzərdə tutulan ibadətin saat 17:00-a keçirildiyini elan edib. Bundan sonra sosial şəbəkələrdə vəziyyətin gərginləşdirilməsinə yönəlmiş təxribat xarakterli paylaşımlar yayılıb.
Qeyd edək ki, Ermənistan DİN vətəndaşları qanunsuz hərəkətlərdən uzaq durmağa, təxribatlara uymamağa və polisin qanuni tələblərinə əməl etməyə çağırıb. Nazirlik vurğulayıb ki, baş verə biləcək hər hansı pozuntu hüquqi qiymətləndirmə alacaq.
Bundan əvvəl Ermənistan parlamentinin vitse-spikeri Ruben Rubinyan sosial şəbəkələrdə bildirib ki, Eçmiədzinə keçmiş prezident Robert Koçaryanın tərəfdarları və həbsdə olan rusiyalı biznesmen Samvel Karapetyanın yaxın çevrəsi də yollana bilər. Onların ibadətin keçirilməsinə mane olmağa cəhd göstərə biləcəyi istisna edilmir.
Fatimə Məmmədova
12:45 18.12.2025
Oxunuş sayı: 890
