Novorossiysk limanına dron zərbəsi iddiaları şübhə altındadır
Rusiyaya məxsus Novorossiysk limanında hərbi obyektlə bağlı baş verdiyi bildirilən insident ətrafında müzakirələr davam edir. Açıq mənbələrdən əldə olunan peyk görüntülərinin təhlili hadisənin detalları və mümkün nəticələri barədə yeni ehtimallar irəli sürməyə imkan verib.
Təhlillər insident zamanı istifadə edildiyi iddia olunan dronun hədəfi və zərbənin dəqiq istiqaməti ilə bağlı suallar doğurur. Eyni zamanda, mövcud materiallar dəyən zərərin miqyasının tam müəyyənləşdirilməsi üçün əlavə məlumatlara ehtiyac olduğunu göstərir
Crossmedia.az “Azadlıq Radiosu” peyk görüntülərinin təhlilinə istinadən xəbər verir ki, Novorossiysk limanında Rusiya sualtı qayığına dronun birbaşa zərbəsi olmaya bilər.
Bununla belə, fotolarda partlayış nəticəsində yaranmış körpü (pier) zədələnmələri aydın görünür.
“Peyk görüntülərinə əsaslanaraq sualtı qayığa vurulmuş real zərəri dəqiq qiymətləndirmək çətindir. Lakin bu görüntülər dronun qayığın gövdəsinə birbaşa dəymədiyini ehtimal etməyə imkan verir”, — deyə məlumatda bildirilir
Zeynəb Xudyeva
21:42 16.12.2025
Oxunuş sayı: 943
