Ərdoğan: Ankara İrəvanla münasibətlərin normallaşması prosesində simvolik addımlar atacaq
Türkiyə prezidenti Rəcəb Tayyib Ərdoğan bildirib ki, Ankara Ermənistanla münasibətlərin normallaşması prosesində gələn il “simvolik addımlar” atmağı planlaşdırır. Bu barədə TRT Haber telekanalı məlumat yayıb.
Crossmedia.az bu barədə Türkiyə mediasına istinadən xəbər verir.
Ərdoğan bu fikirləri Ankarada Türkiyə səfirlərinin iştirakı ilə keçirilən konfransda səsləndirib. Onun sözlərinə görə, Azərbaycan və Ermənistan sülh sazişinin imzalanmasına heç vaxt olmadığı qədər yaxındır.
“Azərbaycanla koordinasiya şəraitində biz Ermənistanla münasibətlərin normallaşdırılması prosesini də davam etdiririk. Gələn il bu istiqamətdə bəzi simvolik addımlar atacağıq” – deyə Türkiyə prezidenti vurğulayıb.
Ərdoğan qeyd edib ki, regionda dayanıqlı sülhün və sabitliyin təmin olunması üçün aparılan bu proseslər Türkiyə üçün mühüm əhəmiyyət daşıyır.
Günel Verdiyeva
16:55 16.12.2025
Oxunuş sayı: 1069
