Tramp BBC-ni məhkəməyə verib: 5 milyard dollar təzminat tələb edir
ABŞ-nin prezidenti Donald Tramp Böyük Britaniyanın BBC media qurumuna qarşı məhkəmə iddiası qaldırıb. Tramp BBC-dən böhtana görə 5 milyard dollar təzminat tələb edir.
Crossmedia.az xarici mediaya istinadən xəbər verur ki, iddianın səbəbi BBC-nin Panorama proqramı çərçivəsində yayımlanan sənədli filmdir. Trampın sözlərinə görə, filmdə onun barəsində həqiqətə uyğun olmayan, nüfuzuna xələl gətirən iddialar yer alıb. O hesab edir ki, material 2024-cü il prezident seçkilərindən cəmi bir həftə əvvəl yayımlanmaqla seçkilərin nəticələrinə təsir göstərmək məqsədi daşıyıb.
Tramp tərəfi iddia edir ki, sənədli film jurnalist etikasını pozur və siyasi motivlidir. Məhkəmə iddiasında BBC-nin yayımladığı məlumatların təkzib olunması və maddi ziyanın ödənilməsi tələb olunur.
BBC isə məsələ ilə bağlı hələlik rəsmi açıqlama yaymayıb.
Bir sözlə, seçki bitib, amma dalğası hələ də sakitləşməyib - media ilə siyasət arasında köhnə savaş yenidən alovlanır.
Sevinc Yarməmmədova
15:26 16.12.2025
Oxunuş sayı: 1249
